Алматы қаласында жас педагогтер арасында өтетін «Almaty Ustazy» қалалық конкурсының ІІІ, финалдық кезеңіне дайындық жұмыстары жалғасуда.
Қорытынды кезеңге өткен 11 үздік педагогке конкурс талаптары мен финалдық кезеңнің мазмұны бойынша түсіндіру жұмыстары жүргізілді. Финалистер өздерінің «Мен – көшбасшы мұғаліммін» авторлық жобаларын қорғап, «Ашық мінбер» алаңында қазылар алқасы, көрермендер, ардагер ұстаздар мен оқушылардың бейнесұрақтарына жауап береді.
14–15 қыркүйек күндері финалдық кезеңге дайындық мақсатында қатысушылардың репетициясы және генералдық репетициясы өтеді.
Ал 16 қыркүйекте Алматы қаласы Наурызбай ауданындағы Оқушылардың инновациялық шығармашылық орталығында «Almaty Ustazy» қалалық конкурсының финалдық кезеңі өтеді.
Финал қорытындысы бойынша 7 жеңімпаз анықталып, олардың әрқайсысына шетелде халықаралық білім беру тағылымдамасынан өту мүмкіндігі беріледі. Ал Гран-при иегеріне 5 млн теңге көлемінде ақшалай сыйлық табысталады.
