Алматы қаласы Білім басқармасының
шаруашылық жүргізу құқығындағы «Қалалық білім берудегі жаңа
технологиялардың ғылыми-әдістемелік орталығы»
мемлекеттік коммуналдық кәсіпорны
Жасанды интеллект және педагогтердің кәсіби шығармашылығы
29-05-2026
2026 жылғы 29 мамырда «№ 34 гимназия» КММ базасында «Жасанды интеллект және педагогтердің кәсіби шығармашылығы» атты Республикалық ғылыми-тәжірибелік конференция өтті.
Іс-шараны Алматы қаласы Білім басқармасының Білім берудегі жаңа технологиялардың қалалық ғылыми-әдістемелік орталығы «Teachers Lab» ЖШС-мен бірлесіп ұйымдастырды. Конференция кәсіби диалог, тәжірибе алмасу және білім беру экожүйеміздің болашағын талқылау үшін маңызды алаңға айналды. Жиынға еліміздің барлық өңірлерінен педагогтер, ғалымдар, білім беру ұйымдарының басшылары мен жетекші сарапшылар жиналды.
Пленарлық отырыс пен секциялардың серпінді жұмысы барысында қатысушылар ең өзекті әрі трендті мәселелерді талқылады:
Инновациялық тәжірибелер: озық педагогикалық тәжірибені таныстыру.
Нейрожелілер іс жүзінде: оқу процесінде ЖИ (жасанды интеллект) технологияларын қолданудың табысты кейстері мен нақты құралдары.
Цифрлық трансформация: білім беру сапасын арттыру және мұғалімдердің шеберлігін дамыту үшін тиімді шешімдерді іздеу.
Іс-шараға ерекше құндылық берген жайт - қатысушылардың жай ғана теориямен шектелмей, заманауи цифрлық технологияларды нақты оқу-тәрбие процесіне енгізуге деген шынайы талпынысы болды.
Біз бірлесіп ұйымдастырушы - «Teachers Lab» ЖШС-не, сондай-ақ конференцияның барлық спикерлеріне, қонақтары мен қатысушыларына жоғары кәсібилігі, мазмұнды баяндамалары және отандық педагогика ғылымының дамуына қосқан үлесі үшін шынайы алғысымызды білдіреміз!
Осы жемісті пікірталастар барысында туындаған идеялар жаңа ауқымды жобалар мен цифрлық жаңалықтардың берік негізіне айналсын.
Басқа жаңалықтар
05-06-2026
Алматыда «Жасыл балабақша» жобасы аясында семинар өтті
23-05-2026
Алматы қаласында білім беру ұйымдары басшылары арасында II қалалық «Director’s CUP» дебат турнирі өтті
12-05-2026
Алматыда өнер мен технологиялар жөніндегі халықаралық форум өтіп жатыр
08-05-2026
«Almaty Ustazy – 2026» қалалық байқауының ІІ кезеңі аяқталды
06-05-2026
“Оқу сауаттылығы мәнінде пәнаралық байланыс: мазмұн мен тәжірибе” тақырыбында республикалық семинар-практикум
